Monday, September 4, 2023

സുൽത്താൻ അൽ നെയാദിയും സംഘവും ഭൂമിയിൽ തിരിച്ചെത്തി ലാൻഡിങ് സുരക്ഷിതം....


              അറബ് ലോകത്ത ബഹിരാകാശ സഞ്ചാരിയായ സുൽത്താൻ ഭൂമിയിലേക്ക് തിരിച്ചെത്തി. ഡ്രാഗൺ സ്പേസ് ക്രാഫ്റ്റ് ഭൂമിയിൽ ലാൻഡ് ചെയ്തു. ഫ്ലോറിഡ തീരത്തെ കടലിലാണ് ഇറങ്ങിയത്. ലാൻഡിങ് സുരക്ഷിതമെന്ന് ഔദ്യോഗികമായി സ്ഥിരീകരിച്ചു. അൽനെയാദിക്കൊപ്പം മൂന്ന് സഹയാത്രികരാണ് ഉള്ളത്. സ്റ്റീഫൻ ബോവൻ, വാറൻ ഹോബർഗ് (യുഎസ്), റഷ്യക്കാരനായ ആന്ദ്രേ ഫെഡ് യാവേവ് എന്നിവരായിരുന്നു സഹയാത്രികർ. ആറ് മാസത്തെ ബഹിരാകാശ ജീവിതത്തിനു ശേഷം ഇന്ന് രാവിലെയാണ് ഇവർ ഭൂമിയിൽ തിരിച്ചെത്തിയത്. യാത്രക്കാരെ പേടകത്തിന് പുറത്തെത്തിച്ചു.

                 ബഹിരാകാശ നിലയത്തിൽ നിന്ന് ശനിയാഴ്ച യാത്ര തിരിച്ച് ഞായറാഴ്ച ഭൂമിയിൽ തിരിച്ചെത്തുന്ന രീതിയിലാണ് നേരത്തെ യാത്ര പ്ലാൻ ചെയ്തിരുന്നത്. എന്നാൽ മോശം കാലാവസ്ഥയെ തുടർന്ന് യാത്ര ഇന്നത്തേക്ക് മാറ്റുകയായിരുന്നു. ബഹിരാകാശനിലയത്തിൽ നിന്ന് തിരിച്ചെത്തിയാലും ഭൂമിയുടെ ഗുരുത്വകർഷണവുമായി പൊരുത്തപ്പെടാൻ പിന്നെയും ആഴ്ചകൾ എടുക്കും.

ഏറ്റവും കൂടുതൽ കാലം ബഹിരാകാശ നിലയത്തിൽ ചെലവഴിച്ച അറബ് വംശജൻ എന്ന നേട്ടം സ്വന്തമാക്കിയാണ് അൽ നെയാദി ഭൂമിയിലേക്ക് തിരിച്ചെത്തുന്നത്. അറബ് ലോകത്ത് നിന്ന് ആദ്യമായി സ്പെയ്സ് വാക്ക് നടത്തിയ ചരിത്രവും നിയാദിക്ക് സ്വന്തം. ചരിത്ര ദൗത്യം പൂർത്തിയാക്കി യുഎഇയിൽ തിരിച്ചെത്തുന്ന നിയാദിക്ക് അവിസ്മരണീയ സ്വീകരണമരുക്കാനുള്ള തയ്യാറെടുപ്പിലാണ് മുഹമ്മദ് ബിൻ റാഷിദ് സ്പെയ്സ് സെന്റർ.

©

No comments:

Post a Comment

Featured post

ramadan 19